Kabhi choti nok-jhonk se badh jaate hai...
Kabhi maamuli takraar se badh jaate hai...
Zindagi me bahut kuch ehsaas dilaate hai faasle...
Kon apna, kon paraaya, dikhlaate hai faasle...
Kabhi chote se bade, yun hi ho jaate hai...
Kabhi pal bhar me hi, door ho jaate hai...
Zindagi ko bakhoobi jeena sikhaate hai faasle...
Pal pal par sochna sikhaate hai ye faasle..
Aaj logon ke paas samay ki kami hai...
Har ke mann me, apnepan ki kami hai...
Isliye kuch badh se gaye hai ye faasle...
Man hi man, sataate hai ye faasle...
Apno se door hone ka ehsaas dilaate hai...
Kabhi kareeb hokar bhi, doori ko avgat karaate hai...
Kabhi hote hai dil, to kabhi doori ke faasle...
Jaise bhi ho, bahut tadpaate hai ye faasle...
~~AS~~
No comments:
Post a Comment