A poem on female foeticide....
Tu kisi udaas vyakti ko khush karna to seekh...
Maa aur biwi hone ki dua to karta hai...
Arey, tu zara beti ka pita ban-na to seekh...
Kyun tu apni jaan ka ant, khud hi kar deta hai...
Bina janmi ek jaan ko, kyun bejaan kar deta hai...
Tere is paap ko duniya se tu kab tak chupa lega...
Kyun tu apni beti ko, sansaar me aane se rok deta hai...
Aakhir kyun! Bata kyun tu aisa neech kaam karta hai...
Kya zindagi me apni maa ka roop, tu kabhi bhoola karta hai...
Shayad bhool gaya tabhi tu bete ke laalach me bhatak hai raha...
Bata de zara! Bina beti ke kya koi jeevan hua karta hai...
Kyu tu itni akkad liye samaaj me rehta hai...
Kyu tu aakhir vehem ko seene se lagaaye rehta hai...
Sasti hai us nanhi pari ki kya jaan itni...
Jo tu guroor ko apne maathe se lagaaye rehta hai...
Kabhi maa, kabhi behen, kabhi biwi ban kar saath nibhaati hai...
Kabhi beti ban apni zimmedaariyaan nibhaati hai...
Sach kaha hai, prakriti ka nirmaan karti hai ladkiyaan...
Char deewaron ko ghar karne ki, ye rasmein nibhaati hai...
Aaj faila do is vaakya ko ke beti bachao...
Dekhna hai agar apne ko buzurg to beti bachao...
Jagao apne andar kuch insaaniyaat aaj "Anuj"...
Saare saath milkar awaaz uthao, aao, beti bachao...
aao, beti bachao...
~~AS~~
No comments:
Post a Comment