#23 - "PURAANI BAATEIN"

Kuch khatti, kuch meethi yaadein aa gayi...
Mere saamne bachpan ki kuch nishaaniyaan aa gayi..
Has has kar mai raat ko bas isi ke sapne leta raha...
Jabse mere khyaalon me ye "puraani baatein" aa gayi...

Aaj roz ki tarah jab mai kuch yaad kar raha tha...
Beete hue nagmo ki mai khoj kar raha tha...
In nagmo ki yaadon me, mai kho sa gaya...
Mai apni puraani baatein yaad kar raha tha...

Lagta hi nahi ke ye sab mere saath hua tha...
Kisi hindi chal-chitra ki tarah, meri zindagi me ghatit hua tha...
Un kuch logon ko mai aaj salaam karta hun...
Jinke saath ye jeevan itna saral hua tha...

Kuch baaton par hasi to kuch par gussa aa gaya...
Mujhe aaj apne bade hone ka matlab samajh aa gya...
Kaise mujhe apni hi baatein bachpana lagne lagi thi..
Anuj ki samajh me ab ye sansaar ka moh aa gaya...

Kon kehta hai ateet ko bhula dena chahiye...
Usey is sansaar se door kahin basa dena chahiye...
Arey yaadon par is duniya me kitne jeete hai...
Puraani Baaton ko kabhi jawaan bhi bana dena chahiye...
~~AS~~